þriðjudagur 13. maí 2008 | Bjöggi
Samkvæmt bloggsíðu Fortune, Apple 2.0, mun Steve Jobs vera með kynningu á WWDC ‘08 (Worldwide Developers Conference). Þetta hefur þó ekki verið staðfest opinberlega af Apple. - staðfest!
WWDC er ráðstefna sem haldin er árlega í San Francisco fyrir Mac OS X-hugbúnaðarþróendur um allan heim og oft á tíðum eru nýjar vörur kynntar frá Apple er Steve Jobs stígur á svið.
Ráðstefnan hefst 9. júní og stendur til 13. þess mánaðar.
Steve Jobs mun halda kynninguna 9. júní kl. 17:00 á íslenskum tíma ef fréttin reynist sönn. Fylgist með á Maclantic!
apple20.blogs.fortune.cnn.com
Skrifað í flokkinn: Uppákomur
7 athugasemdir / Skrifa athugasemd
mánudagur 12. maí 2008 | Bjöggi
Þökk sé MCE Technologies er nú hægt að setja allt að 1TB af geymsluplássi í MacBook Pro. Lausnin byggist á því að skipta út geisladrifinu og setja þess í stað „OptiBay drive“ frá MCE, en það virkar eins og harðadiskbox sem hefur sama tengi og innbyggð geisladrif í MacBook/MacBook Pro.
Heppnir 17″ MacBook Pro eigendur geta því glatt sig yfir því að geta haft allt að 1TB (2x 500GB) fyrir aðeins $799 USD án vsk., en eigendur MacBook og 15″ MacBook Pro geta sett allt að 2x 320GB diska. Ástæðan er einfaldlega sú að núverandi 500GB fartölvudiskar (2,5″) eru örlítið of þykkir fyrir þær, þ.e. meira pláss er í 17″ MB Pro.
Tómt OptiBay hólf er á $99, en hægt er að fá þau með innsettum disk og utanáliggjandi box fyrir geisladrifið sem tekið er úr vélinni.
Gæta skal að aðgerðir sem þessar eru gerðar á eigin ábyrgð og rýfur neytendaábyrgð tölvunnar.
www.mcetech.com/optibay
Skrifað í flokkinn: Íhlutir, MacBook Pro, MacBook
3 athugasemdir / Skrifa athugasemd
sunnudagur 11. maí 2008 | Bjöggi
smellið til að stækka
Allt bendir til þess að Apple sé að fara að gefa út nýja kynslóð af iPhone á næstu vikum þar sem tækið er orðið ófáanlegt samkvæmt Apple Store.
Þar að auki hefur næsta hugbúnaðurútgáfa fyrir iPhone (2.0), sem kemur út í júní, að geyma texta og valmöguleika (ef hann er virkjaður) um að slökkva og kveikja á 3G á iPhone.
Það er því nokkuð sjálfgefið að Apple gefi út uppfærðan síma með 3G og jafnvel einhverju fleira (GPS?).
Við bíðum allavega spennt!
Skrifað í flokkinn: iPhone
8 athugasemdir / Skrifa athugasemd
fimmtudagur 8. maí 2008 | Kristófer
Apple Insider skýrir frá því að Apple hafi sótt um einkaleyfi á fyrir tækni, eiginlega sömu tækni og Nintendo notast við í Wii leikjatölvunni.
Apple Insider telja að verið sé að þróa nýja fjarstýringu, hugsanlega fyrir Apple TV og gæti þá tæknin nýst til þess að gera ýmsa sniðuga hluti rétt eins og við þekkjum á Wii og eru möguleikarnir miklir. En tæknin virkar einmitt þannig að tölvan skynjar hreyfingar fjarstýringarinnar í bæði tvívídd og þrívídd og líka hraða hennar, semsagt tölvan veit alltaf nákvæmega hvar fjarsýringin er.
Ef verður yrði þetta mikil breyting frá einföldu Apple remote sem við könnumst við.
Skrifað í flokkinn: Orðrómur, Apple
4 athugasemdir / Skrifa athugasemd
fimmtudagur 8. maí 2008 | Bjöggi
Fjarskiptafyrirtækið O2 í Bretlandi hefur tilkynnt að iPhone sé ekki lengur fáanlegur, en það er enn ein staðfestingin um það að iPhone útgáfa 2 (með 3G) sé á leiðinni.
Einnig gæti þetta einfaldlega þýtt að Apple hafi [loksins] áttað sig á því að erfitt getur reynst að pranga notendur upp á að geta notað einungis eitt símafyrirtæki með iPhone og hafa hann opinn fyrir alla.
Við skulum allavega halda í vonina um að næsta kynslóð af iPhone verði „opinn sími“ og hægt að selja hérlendis og nota með því símafyrirtæki sem manni sýnist.
MacRumors.com
Skrifað í flokkinn: iPhone
5 athugasemdir / Skrifa athugasemd
þriðjudagur 6. maí 2008 | Kristófer
Vodafone hefur nú í dag samið við Apple um dreifingu á iPhone á mörkuðum í: Ástralíu, Tékklandi, Egyptalndi, Grikklandi, Ítalíu, Indlandi, Portúgal, Nýja Sjálandi, Suður Afríku og Tyrklandi. Búist er við símunum seinna á þessu ári og greinilegt að Vodafone eru núna komnir inn í hlýjuna hjá Apple. Ætli þetta gæti orðið til þess að við á skerinu fáum símann löglega í nánustu framtíð?
Skrifað í flokkinn: iPhone
13 athugasemdir / Skrifa athugasemd
mánudagur 5. maí 2008 | Kristófer
Afsakið hvað þessi frétt kemur seint (er í prófum). Micrsoft hætti opinberlega við tilboð sitt í Yahoo! á laugardaginn.
Þetta tilkynnti Steve Ballmer í bréfi til stjóra Yahoo!, Jerry Yang á laugardagskvöldið. Microsoft hefur á undanförnum vikum komið með nýtt og nýtt tilboð í Yahoo! en tilboðin hafa ávallt verið of lágt að mati Yahoo! manna svo að nú gáfust Microft upp og ekkert verður af kaupunum í bili. Þessi kaup hefðu einmitt gert einn gríðarlega stóran netrisa sem hefði getað verið á sama plani og Google.
Skrifað í flokkinn: Annað, Samkeppni
1 athugasemd / Skrifa athugasemd
föstudagur 2. maí 2008 | Bjöggi
smellið á mynd til að stækka
Það eru ekki nema rúm 10 ár síðan að Michael Dell, forstjóri Dell, sagði við fjölda IT-stjórnenda um Apple:
What would I do? I’d shut it [Apple] down and give the money back to the shareholders.
Mánuði síðar svaraði Jobs: „We’re coming after you, you’re in our sights.“ og það er nokkuð augljóst að þeir gerðu það því í dag er Apple fjórfalt meira virði heldur en Dell, eða $158,66 milljarða á móti $38,97 ma.
Síðastliðnar 8 vikur hafa hlutabréf Apple hækkað um rúm 40% og virðist sem svo að það verði á uppleið næstu mánuðina, allavega uns iPhone útgáfa 2 kemur út..
Skrifað í flokkinn: Apple, Samkeppni
11 athugasemdir / Skrifa athugasemd
fimmtudagur 1. maí 2008 | Kristófer
Nýi „Makkinn“ frá Psystar reynist vera raunverulegur og margar síður eru nú komnar með umfjallanir um tölvuna.
Engadget hafa fengið tölvuna í hús og segja m.a. í umfjöllun sinni að tölvan sé ótrúlega hávær, System Profiler nær ekki að lesa allan vélbúnað en að hljóðið sé gott og jaðartæki s.s. iPod virka fínt. Einnig er þó vert að taka fram að uppfærslur á vegum Apple munu ekki koma til með að virka vegna þess að sýrikerfið er ekki að keyra á Applevélbúnaði. Þeir hjá Engadget hafa einnig borið tölvuna saman við nokkra „alvöru“ Makka, m.a. nýja iMakkann og skorar Psystar tölvan í meðallagi.
Video review eru að finna á Engadget og CNET.com
Þessi tölva er greinilega ekki sá draumur sem einhverjir vildu eflaust en ef menn eru til í að þola marga vankanta þá gæti vélin verið eitthvað fyrir þá. Fyrir mig segi ég, einn nýjan iMac takk!
Skrifað í flokkinn: Annað
5 athugasemdir / Skrifa athugasemd
fimmtudagur 1. maí 2008 | Bjöggi
Í tilefni af 5 ára afmæli iTunes Store hefur Apple tilkynnt að nú verði hægt að kaupa nýjar kvikmyndir á sama degi og DVD-útgáfur koma út. Nýir titlar munu kosta $14.99 og eldri $9.99 frá eftirfarandi útgefendum:
20th Century Fox,
The Walt Disney Studios,
Warner Bros.,
Paramount Pictures,
Universal Studios Home Entertainment,
Sony Pictures Entertainment,
Lionsgate,
Image Entertainment og
First Look Studios.
Þetta er enn eitt skrefið að hinum stafræna netheimi þar sem fólk getur keypt og leigt kvikmyndir án mikillar fyrirferðar og biðar.
iTunes Store hefur nú að geyma yfir 6 milljónir laga, 600 sjónvarpsþáttaraðir, 1.500 kvikmyndir og 200 af þeim í háskerpugæðum (HD). Kostnaður við að leigja kvikmyndir er frá $2.99 uppí allt að $4.99 fyrir nýjar HD-kvikmyndir. Öll lög eru á $0.99 stykkið og þættir á $1.99. Þar að auki hefur iTunes Store uppá að bjóða hljóðbækur, podvörp og tónlistarmyndbönd.
Til að geta haft aðgang að þessu frábæra safni þarf að hafa bandarískt kreditkort eða kaupa sér iTunes-gjafakort í USA, lesið meira um það á Maclantic.com/iTunes.
Til gamans má nefna hafa hlutabréf Apple (AAPL) hækkað um rúm 2% í byrjun dags eftir fregnirnar.
www.apple.com/pr
Skrifað í flokkinn: iTunes, Apple
Skrifa athugasemd
Steve Jobs má æla yfir mig hvenær sem er.